15 сакавіка, Мінск /Кар. БЕЛТА/. Выканаўчы камітэт Еўрапейскіх алімпійскіх камітэтаў (ЕАК) прыняў рашэнне аб пераносе 50-й Генеральнай асамблеі, якая была запланавана на 16-17 красавіка. З-за сітуацыі з каранавірусам яе складана правесці вясной з удзелам прадстаўнікоў усіх нацыянальных еўрапейскіх камітэтаў, паведамілі БЕЛТА ў прэс-службе НАК Беларусі.
Такім чынам, мерапрыемства пройдзе 10-11 чэрвеня бягучага года ў Афінах. У праграме Генасамблеі выбары прэзідэнта і выканаўчага камітэта ЕАК.
"Падчас апошняга пасяджэння выканкама прынялі рашэнне, што зробім усё магчымае для арганізацыі Генеральнай асамблеі афлайн, і пасля перагавораў з грэчаскім бокам дамовіліся арганізаваць выбары ў чэрвені 2021 года", - адзначыў выконваючы абавязкі прэзідэнта ЕАК Нільс Нігаард.
На пасяджэнні выканкама ЕАК таксама абмяркоўваўся нядаўні візіт каардынацыйнай камісіі Еўрапейскіх гульняў 2023 года ў Польшчу. Старшыня камісіі Хасан Арат і прэзідэнт Алімпійскага камітэта Польшчы Анджэй Красніцкі прадставілі абноўленую інфармацыю аб паспяховых перагаворах, якія адбыліся падчас чатырохдзённага візіту. Хасан Арат таксама прадставіў даклад аб рабоце, якая прадаўжаецца па складанні спартыўнай праграмы і дарожнай карты дзеянняў і павінна быць завершана ў бліжэйшыя шэсць месяцаў.-0-