24 лістапада, Мінск /Кар. БЕЛТА/. Галоўны трэнер мінскага "Дынама" Крэйг Вудкрафт, падводзячы вынікі матчу чэмпіянату КХЛ з "Барысам" (2:3), застаўся задаволены дзеяннямі падапечных, але адзначыў, што некаторыя аспекты гульні "зуброў" неабходна паляпшаць, паведамляе БЕЛТА са спасылкай на прэс-службу сталічнай дружыны.
"Атрымалася даволі роўная гульня. У прынцыпе, такую мы чакалі. Варта адзначыць, што абодва сапернікі вельмі адказна падышлі да матчу. Не магу не прыгадаць, як здорава нашы хлопцы вярнуліся ў гульню пасля прапушчанай шайбы: класна адыграліся, а затым выйшлі наперад", - сказаў Крэйг Вудкрафт.
Паводле слоў галоўнага трэнера, самае галоўнае тое, што хакеісты да самага канца заставаліся ў гульні і дзейнічалі па сваёй сістэме. "Так, ёсць моманты, якія нам трэба паляпшаць. Думаю, гэтым і зоймемся, аднак у цэлым ёсць пазітыў, ад якога і будзем адштурхоўвацца, каб правесці наступную сустрэчу лепш", - адзначыў канадскі трэнер мінскага "Дынама".-0-
