12 мая, Мінск /Кар. БЕЛТА/. Гомельскі ВРЗ атрымаў буйную перамогу ў дамашнім матчы паўфінальнай серыі 34-га чэмпіянату Беларусі па міні-футболе, паведамляе карэспандэнт БЕЛТА.
Учора ў першай сустрэчы ў Гомелі гаспадары па ўсіх артыкулах абыгралі гасцей з ФК "Мінск" з рэзультатам 9:1. Наступны паядынак пройдзе 15 мая на пляцоўцы мінчан, а 19 мая каманды зноў будуць сапернічаць на арэне гомельскай дружыны.
10 мая ў другой пары дзеючыя чэмпіёны краіны спартсмены "Сталіцы" на паркеце спарткомплексу "Уручча" разграмілі гомельскі БЧ з лікам 5:1. Другая гульня пройдзе 14 мая ў Гомелі, а 18 мая сапернікі зноў згуляюць у Мінску.
Паўфінальныя серыі прадоўжацца да трох перамог адной з каманд.
У мінулым сезоне "Сталіца" заваявала свой чацвёрты залаты медаль, абыграўшы ў фінальнай серыі ВРЗ. Уладальнікам бронзавых узнагарод упершыню стаў ФК "Мінск", які адолеў гродзенскае "УУС-Дынама". Больш за ўсё чэмпіёнскіх тытулаў у актыве мінскага "Дарожніка", які шэсць разоў выйграваў залатыя медалі.-0-
