ДЗЯРЖОРГАНЫДЗЯРЖОРГАНЫ
Субота, 6 чэрвеня 2020
Мінск Пераменная воблачнасць +22°C
Усе навіны
Усе навіны
Спорт
14 студзеня 2020, 09:26

Вольга Гаварцова і Ілья Івашка выйшлі ў 2-і раўнд кваліфікацыі Australian Open

Вольга Гаварцова. Фота з архіва
Вольга Гаварцова. Фота з архіва

14 студзеня, Мінск /Кар. БЕЛТА/. На адкрытых хардавых кортах "Мельбурн Парка" пачаліся кваліфікацыйныя матчы першага ў сезоне турніру серыі "Вялікага шлема" - адкрытага чэмпіянату Аўстраліі па тэнісе, паведамляе карэспандэнт БЕЛТА.

У першым раўндзе жаночага адзіночнага разраду беларуская тэнісістка Вольга Гаварцова (190-ы нумар сусветнага рэйтынгу) перамагла ў дзвюх партыях аўстралійку Эбі Маерс (323) - 7:5, 7:5. Сустрэча доўжылася 1 гадз 45 мін. У другім крузе беларуска сустрэнецца з амерыканскай тэнісісткай Каралін Долхайд (141).

У мужчынскім турніры беларус Ілья Івашка (148) узяў верх над брытанскім тэнісістам Ліямам Броўдзі (234) - 6:3, 6:0. Гульня працягвалася 1 гадз 12 мін. Наступным сапернікам беларуса будзе пераможца матчу паміж прадстаўніком Германіі Матсам Мараінгам (221) і партугальцам Жоаа Дамінгешам (170).

Каб трапіць у асноўную сетку Australian Open, тэнісістам трэба пераадолець тры кваліфікацыйныя бар'еры.

Без удзелу ў кваліфікацыі ў Мельбурне выступяць Арына Сабаленка, Аляксандра Сасновіч і Ягор Герасімаў. Былая першая ракетка планеты Вікторыя Азаранка, якая займае цяпер 50-е месца ў сусветным рэйтынгу, прапусціць турнір з-за сямейных праблем. Яна двойчы запар станавілася чэмпіёнкай Аўстраліі - у 2012 і 2013 гадах.

Матчы асноўнага этапу аўстралійскага першынства пройдуць з 20 студзеня па 2 лютага. Агульны прызавы фонд Australian Open-2020 складае $71 млн. Пераможцы ў мужчынскім і жаночым адзіночных разрадах заробяць па $4,1 млн.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі