![Сяргей Вязовіч. Фота з архіва Сяргей Вязовіч. Фота з архіва](https://blr.belta.by/images/storage/news/with_archive/2024/000028_1720690559_133409_big.jpg)
Сяргей Вязовіч. Фота з архіва
11 ліпеня, Мінск /Кар. БЕЛТА/. У горадзе Алтай заходняй Манголіі завяршыўся сёмы этап 14-га міжнароднага ралі-марафону "Шаўковы шлях", паведамляе карэспандэнт БЕЛТА.
У чацвер удзельнікі ралі пераадолелі шлях з мангольскага горада Хоўд у Алтай, даўжыня спецучастка склала 385 км. Лепшы рэзультат па этапе ў заліку грузавікоў паказаў экіпаж расійскага "КАМАЗ-майстра" Багдана Карымава (3 гадз 50 мін. 50 сек.), 39 секунд яму ўступіў наш Сяргей Вязовіч. Яшчэ два беларускія грузавікі "МАЗ-СПОРТаўта" пад кіраваннем Віталя Мурылёва і Аляксея Вішнеўскага сталі шостым і сёмым адпаведна.
Перад стартам сёмага этапу экіпаж Сяргея Вязовіча займаў другое месца ў агульным заліку, адстаючы ад лідара Дзмітрыя Сотнікава на 3 мінуты і 1 секунду. Сёння беларус абышоў расійскага гоншчыка на 3 мінуты і 6 секунд, дзякуючы чаму зноў узначаліў генеральную класіфікацыю, але з адрывам усяго 5 секунд. Чацвёрку лепшых на гэты момант замыкае экіпаж Віталя Мурылёва.
Заўтра пілотаў чакае кальцавы этап са стартам і фінішам у Алтаі, працягласць спецучастка роўная 314 км. Усяго ў бягучым годзе "Шаўковы шлях" складаецца з 11 этапаў, пераможцы ралі-марафону вызначацца 15 ліпеня ва Улан-Батары.-0-
У чацвер удзельнікі ралі пераадолелі шлях з мангольскага горада Хоўд у Алтай, даўжыня спецучастка склала 385 км. Лепшы рэзультат па этапе ў заліку грузавікоў паказаў экіпаж расійскага "КАМАЗ-майстра" Багдана Карымава (3 гадз 50 мін. 50 сек.), 39 секунд яму ўступіў наш Сяргей Вязовіч. Яшчэ два беларускія грузавікі "МАЗ-СПОРТаўта" пад кіраваннем Віталя Мурылёва і Аляксея Вішнеўскага сталі шостым і сёмым адпаведна.
Перад стартам сёмага этапу экіпаж Сяргея Вязовіча займаў другое месца ў агульным заліку, адстаючы ад лідара Дзмітрыя Сотнікава на 3 мінуты і 1 секунду. Сёння беларус абышоў расійскага гоншчыка на 3 мінуты і 6 секунд, дзякуючы чаму зноў узначаліў генеральную класіфікацыю, але з адрывам усяго 5 секунд. Чацвёрку лепшых на гэты момант замыкае экіпаж Віталя Мурылёва.
Заўтра пілотаў чакае кальцавы этап са стартам і фінішам у Алтаі, працягласць спецучастка роўная 314 км. Усяго ў бягучым годзе "Шаўковы шлях" складаецца з 11 этапаў, пераможцы ралі-марафону вызначацца 15 ліпеня ва Улан-Батары.-0-