ДЗЯРЖОРГАНЫДЗЯРЖОРГАНЫ
Флаг Аўторак, 7 лютага 2023
Мінск -3°C
Усе навіны
Усе навіны
Спорт
11 кастрычніка 2022, 10:32

"Віцебск" абыграў "Нёман" у матчы беларускай хакейнай экстралігі

Фота з архіва
Фота з архіва

11 кастрычніка, Мінск /Кар. БЕЛТА/. У панядзелак трыма матчамі ў Мінску, Віцебску і Магілёве прадоўжыўся рэгулярны чэмпіянат беларускай хакейнай экстралігі, паведамляе карэспандэнт БЕЛТА.

Самы рэзультатыўны паядынак 9 кастрычніка выдалі "Юнацтва" і "Хімік". Ужо да сярэдзіны стартавай трэці мінчане вялі ў дзве шайбы, а ў далейшым падвоілі перавагу. Па два ачкі ў складзе гаспадароў набралі Андрэй Антонаў, Усевалад Кашкар і Сяргей Станкевіч. Ад буйнога паражэння новапалачане выратаваліся ў самай канцоўцы, трапіўшы ў чужыя вароты двойчы за паўтары мінуты да фінальнай сірэны. Падагульняючы лік - 4:2, "Юнацтва" мацнейшае.

У паралельнай гульні "Віцебск" мінімальна перайграў "Нёман" - 1:0, пераможную шайбу аформіў форвард "мядзведзяў" Ілья Камбовіч. Дзякуючы гэтаму поспеху віцябчане ўмацавалі лідарства ў турнірнай табліцы, цяпер перавага "Віцебска" над праследавацелямі складае тры балы. Яшчэ адзін матч панядзелка паміж "Брэстам" і "Магілёвам" завяршыўся на карысць брастаўчан - 2:1, што дало магчымасць ім вярнуцца ў топ-6 экстралігі. Магіляўчане пацярпелі сёмую няўдачу запар.

У аўторак у чэмпіянаце Беларусі па хакеі таксама адбудзецца тры матчы. "Гомель" дома сустрэнецца з аршанскім "Лакаматывам", "Ліда" прыме жлобінскі "Металург", а "Шахцёр" у Салігорску згуляе супраць "Дынама-Маладзечна". Усе паядынкі стартуюць у 19.00.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі