21 лютага, Мінск /Кар. БЕЛТА/. Аршанскі "Вітэн" і "Сталіца" не выявілі пераможца ў матчы 15-га тура чэмпіянату Беларусі па міні-футболе, паведамляе карэспандэнт БЕЛТА.
Пасля першага тайма сустрэчы ў Оршы мінчане выйгравалі 1:0, але ўтрымаць перамогу не змаглі. У пачатку другой палавіны гульні гаспадары аднавілі раўнавагу ў ліку пасля дакладнага ўдара навабранца каманды Максіма Конава - 1:1.
Рэзультаты астатніх сустрэч 15-га тура: ЦКК (Светлагорск) - БЧ (Гомель) - 3:4, "Дынама-БНТУ" (Мінск) - "Мінск" - 0:5, "УУС-Дынама" (Гродна) - "Барысаў-900" - 2:4, "Ахова-Дынама" (Мінск) - "Дарожнік" (Мінск) - 6:3.
Становішча ў групе лідараў: "Сталіца" (Мінск) - 31 ачко (14 матчаў), ВРЗ (Гомель) - 30 (13), "Вітэн" - 30 (13), БЧ - 25 (15).
Бамбардзірскую гонку ўзначальвае Сяргей Лебедзеў з ЦКК, які забіў 13 мячоў.
У наступны ўік-энд у цэнтральным паядынку 16-га тура "Сталіца" прыме ВРЗ.-0-
