3 мая, Мінск /Кар. БЕЛТА/. Аршанскі "Вітэн" не страціў ні аднаго ачка ў рэгулярным сезоне 32-га чэмпіянату Беларусі па міні-футболе, паведамляе карэспандэнт БЕЛТА.
У матчы заключнага тура рэгулярнага сезона аршанцы атрымалі сваю 22-ю перамогу, абыграўшы ў Гомелі яшчэ аднаго фаварыта мясцовы ВРЗ з лікам 6:4. У апошнім паядынку рэгулярнага сезона мінскі "Дарожнік" абыграў на сваёй пляцоўцы светлагорскі ЦКК.
Вынікі астатніх сустрэч 22-га тура: "Ахова-Дынама" (Мінск) - "Сталіца" (Мінск) - 0:11, "Барысаў-900" - БЧ (Гомель) - 2:7, "Дынама-БНТУ" (Мінск) - "Ліда" - 4:1, "Мінск "- "УУС-Дынама" (Гродна) - 1:1.
Падагульняючае становішча: "Вітэн" - 66 ачкоў, ВРЗ - 55, "Сталіца" - 50, БЧ - 44, "Дарожнік" - 35, "Барысаў - 900" - 32, "Дынама-БНТУ" - 22, ЦКК - 21, "Мінск" - 17, "Ліда" - 15, "Ахова-Дынама" - 13, "УУС-Дынама" - 10.
Лепшым бамбардзірам рэгулярнага чэмпіянату стаў Яўген Клачко (ВРЗ), які забіў 35 мячоў.
Першыя чатыры клубы заваявалі прамыя пуцёўкі ў чвэрцьфінальную стадыю, а астатнія каманды 7 і 10 мая згуляюць у 1/8 фіналу.
У мінулым чэмпіянаце Беларусі залатыя медалі заваявалі спартсмены "Вітэна", якія перамаглі ў фінальнай серыі ВРЗ. Уладальнікам бронзы стала "Сталіца".
Самым тытулаваным клубам з'яўляецца мінскі "Дарожнік", які шэсць разоў станавіўся чэмпіёнам краіны. У "Лідсельмаша" і "Вітэна" па чатыры золата, па тры - у "Мінска", Мапіда і "Сталіцы".-0-
