Сцяг Субота, 20 красавіка 2024
Усе навіны
Усе навіны
Спорт
22 студзеня 2024, 10:49

"Вітэн" атрымаў дзясятую перамогу запар у чэмпіянаце Беларусі па міні-футболе

Фота з архіва
Фота з архіва
22 студзеня, Мінск /Кар. БЕЛТА/. Аршанскі "Вітэн" прадоўжыў серыю перамог у матчах чэмпіянату Беларусі па міні-футболе, паведамляе карэспандэнт БЕЛТА.

Сваю дзясятую вікторыю запар уладальнікі Кубка краіны атрымалі ў сябе дома, абыграўшы гомельскі БЧ з вынікам 4:3. У сярэдзіне другога тайма гаспадары вялі 3:0, потым госці змаглі выраўнаваць становішча, але за 7 секунд да фінальнай сірэны Арчыл Сабіскверадзэ прынёс перамогу "Вітэну". Аршанцы гулялі без шэрага вядучых ігракоў, але дзякуючы поўнай самааддачы і падтрымцы балельшчыкаў змаглі дабіцца поспеху.

Яшчэ два фаварыты турніру таксама атрымалі чарговыя вікторыі. Дзеючыя чэмпіёны краіны спартсмены "Сталіцы" абыгралі ў Светлагорску аўтсайдара турніру ЦКК - 8:4, гомельскі ВРЗ адолеў на сваёй арэне гродзенскі клуб "УУС-Дынама" з мінімальнай перавагай у ліку 4:3, а ФК "Мінск" разграміў землякоў з "Дарожніка" - 5:1.

Вынікі астатніх сустрэч 12-га тура: "Меркурый - ДМК" (Брэст) - "Барысаў-900" - 3:4, "Дынама - БНТУ" (Мінск) - "Ахова-Дынама" (Мінск) - 2:5.

Становішча ў групе лідараў: "Сталіца" - 31 бал, ВРЗ - 30, "Вітэн" - 30, "Мінск" - 25.

Бамбардзірскую гонку ўзначальвае Уладзімір Разуванаў ("Вітэн"), на рахунку якога 20 забітых мячоў. Сустрэчы 13-га тура пройдуць 26-27 студзеня.-0-
Падпісвайцеся на нас у
Twitter
Топ-навіны
Свежыя навіны Беларусі