Мабільная версія
ДЗЯРЖОРГАНЫ

Апошнія навіны
У Брэсце адкрылі помнік Пушкіну
11 Кастрычнік, 17:46 Культура
Усе навіны

Вікторыя Азаранка правяла ў Мінску майстар-клас для юных тэнісістаў

Спорт 12.06.2019 | 15:57
Вікторыя Азаранка
Вікторыя Азаранка

12 чэрвеня, Мінск /Кар. БЕЛТА/. Экс-першая ракетка свету Вікторыя Азаранка правяла сёння на кортах Рэспубліканскага цэнтра алімпійскай падрыхтоўкі па тэнісе ў Мінску майстар-клас для юных ігракоў, перадае карэспандэнт БЕЛТА.

Адна з вядучых спартсменак Беларусі прызналася, што засумавала без такіх мерапрыемстваў. Больш за 50 юных выхаванцаў тэнісных школ Мінска загадзя сабраліся на цэнтральным адкрытым корце спартцэнтра і чакалі прыезду алімпійскай чэмпіёнкі. Вікторыя Азаранка з'явілася на кортах ужо гатовай да трэніроўкі. У дапамогу адна з вядучых тэнісітак паклікала свайго асабістага трэніра Віма Фісета. Занятак доўжыўся крыху больш за паўгадзіны, юнакі і дзяўчаты паспрабавалі згуляць супраць Вікторыі ў пары і паасобку, атрымалі каштоўныя парады па паляпшэнні ўдараў па мячы.

"Мне вельмі хочацца, каб гэты майста-клас прынёс карысць юным ігракам. Сёння ўбачылі шмат таленавітых юнакоў і дзяўчат, здольных вырасці ў прафесіяналаў, але для гэтага трэба шмат працаваць", - адзначыла Вікторыя Азаранка.

Па выніках занятку былі вызначаны лепшыя ігракі, але ніхто з удзельнікаў майстар-класа не застаўся без падарунка ад арганізатараў, а таксама без аўтографа знакамітай тэнісісткі.

Вікторыя Азаранка - алімпійская чэмпіёнка Лондана, двухразовая пераможца Адкрытага чэмпіянату Аўстраліі.-0-

Версія для друку
Навіны рубрыкі Спорт
Топ-навіны
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Кіеў
Ліда
Мінск
Магілёў
Магілёў
Мозыр
Масква
Орша
Полацк
Рыга
Санкт-Пецярбург
Салігорск
Салігорск

Інфаграфіка

Беларусь - Туркменістан: гандлёва-эканамічнае супрацоўніцтва Туркменістан з'яўляецца адным са стратэгічных партнёраў Беларусі ў Цэнтральнай Азіі. Дыпламатычныя адносіны паміж краінамі ўсталяваны 21 студзеня 1993 года.