Сцяг Чацвер, 28 сакавіка 2024
Усе навіны
Усе навіны
Спорт
10 верасня 2018, 14:40

Вікторыя Азаранка паднялася на 18 пазіцый у рэйтынгу WTA

10 верасня, Мінск /Кар. БЕЛТА/. Экс-першая ракетка свету беларуска Вікторыя Азаранка ў рэйтынгу Сусветнай жаночай асацыяцыі (WTA) паднялася на 18 пазіцый, паведамляе карэспандэнт БЕЛТА.

Пасля выступлення ў Адкрытым чэмпіянаце ЗША, дзе яна дайшла да трэцяга круга асноўнай сеткі, атрымаўшы перамогу над славачкай Вікторыяй Кужмавай і Дар'яй Гаўрылавай з Аўстраліі, у актыве беларускі 951 ачко і 61-е месца ў сусветным рэйтынгу.

Палепшыла свае пазіцыі ў спісе WTA Аляксандра Сасновіч, якая перамясцілася з 33-й пазіцыі на 30-ю - 1485 балаў.

Першая ракетка Беларусі Арына Сабаленка ў сусветным рэйтынгу захавала за сабой 20-е месца - 2320 ачкоў.

Пераможца Адкрытага чэмпіянату ЗША 2018 года Наомі Осака займае сёмы радок - 4115. Фіналістка US Open Серэна Уільямс знаходзіцца на 16-м месцы - 2976 балаў. Узначальвае рэйтынг тэнісістак-прафесіяналак румынка Сімона Халеп - 8061 ачко.

Шанц палепшыць свае пазіцыі беларускія тэнісісткі атрымаюць на бягучым тыдні. Арына Сабаленка сёння стартуе ў чарговым турніры ў канадскім Квебеку. Яе саперніцай стане Варвара Лепчанка, якая прадстаўляе ЗША.-0-

Падпісвайцеся на нас у
Twitter
Топ-навіны
Свежыя навіны Беларусі