1 ліпеня, Мінск /Кар. БЕЛТА/. Вікторыя Азаранка і Арына Сабаленка дабіліся перамог на Уімблдонскім тэнісным турніры серыі "Вялікага шлема", паведамляе карэспандэнт БЕЛТА.
Вікторыя Азаранка ў паядынку першага круга Уімблдонскага турніру перамагла ўкраінку Кацярыну Казлову з лікам 6:1, 6:3. Наступнай саперніцай беларускі стане Сарана-Міхаэла Кырсця, якая знаходзіцца на 45-й пазіцыі рэйтынгу WTA. Паядынак пройдзе 1 ліпеня.
Выйшла ў наступны круг і Арына Сабаленка, не без праблем пераадолеўшы супраціўленне брытанкі Кэці Боўлтэр, - 4:6, 6:3, 6:3.
На жаль, завяршыла барацьбу на турніры "Вялікага шлема" ў Лондане Вольга Гаварцова. Для перамогі над беларускай амерыканцы Коко Вандэвеге хапіла двух сэтаў - 4:6, 2:6.-0-
