26 красавіка, Мінск /Кар. БЕЛТА/. Беларуская тэнісістка Вікторыя Азаранка (61-ы нумар сусветнага рэйтынгу) прабілася ў чвэрцьфінал турніру ў нямецкім Штутгарце, паведамляе карэспандэнт БЕЛТА.
У 1/8 фіналу Вікторыя Азаранка сустракалася з чацвёртай ракеткай планеты чэшкай Каралінай Плішкавай і перамагла ў трохсэтавым паядынку - 4:6, 6:3, 6:4.
У першым сэце саперніцы на працягу 9 геймаў бралі ачкі на сваіх падачах, і толькі потым чэшка змагла выйграць падачу беларускі, а з ёй і ўсю партыю. У другім сэце Вікторыя Азаранка згуляла вельмі сабрана і ўзяла рэванш. У вырашальнай партыі барацьба была вельмі ўпартай, у якой мацнейшай была беларуская тэнісістка. Сустрэча прадаўжалася 2 гадзіны 12 хвілін.
На старце спаборніцтваў Вікторыя Азаранка перамагла расіянку Веру Званарову (84) - 7:5, 6:4. Яе наступнай саперніцай будзе эстонку Анет Кантавейт (15).
Турнір на закрытых грунтавых кортах Штутгарта завершыцца 28 красавіка.-0-
