29 кастрычніка, Мінск /Кар. БЕЛТА/. Віктар Бекша застанецца галоўным трэнерам мужчынскай зборнай Беларусі па валейболе, паведамілі карэспандэнту БЕЛТА ў прэс-службе БФВ.
Рашэнне было прынята па выніках рабочай сустрэчы з удзелам старшыні Беларускай федэрацыі валейбола Эдуарда Венскага, кіраўніка наглядальнага савета грамадскага аб'яднання Уладзіміра Вашчанкі, членаў наглядальнага савета і Віктара Бекшы.
На сходзе было прааналізавана выступленне мужчынскай зборнай на міжнародных турнірах пад кіраўніцтвам беларускага спецыяліста, абмяркоўваліся перспектывы мужчынскага валейбола ў краіне. Без увагі не застаўся той факт, што ў бягучым годзе зборная заняла другое месца ў розыгрышы залатой Еўралігі і трэцяе месца кваліфікацыі Лігі нацый, дабілася першай у гісторыі перамогі ў фінальнай частцы чэмпіянату Еўропы-2019.
Кандыдатуру Віктара Бекшы падтрымаў міністр спорту і турызму Сяргей Кавальчук.-0-