Сцяг Пятніца, 29 сакавіка 2024
Усе навіны
Усе навіны
Спорт
15 ліпеня 2022, 17:59

Веласіпедыст Васіль Строкаў перамог на трэцім этапе спаборніцтваў "Тур Беларусі"

15 ліпеня, Мінск /Кар. БЕЛТА/. Васіль Строкаў стаў пераможцам трэцяга этапу міжнароднай шашэйнай велагонкі "Тур Беларусі", паведамляе карэспандэнт БЕЛТА.

У пятніцу веласіпедысты пераадолелі самую працяглую дыстанцыю гэтай гонкі - 202 км ад Камянца да Слоніма. У фінішным створы Васіль Строкаў быў хутчэйшым за Аляксея Шнырко і Дзяніса Марчука, якія занялі другое і трэцяе месцы адпаведна. У агульным заліку "Тура Беларусі" прадаўжае лідзіраваць Яўген Каралёк, які напярэдадні выйграў індывідуальную гонку, а таксама стаў другім на стартавым этапе шматдзёнкі.

Да заканчэння "Тура Беларусі" засталіся два этапы - спаборніцтвы завершацца ў Навагрудку 17 ліпеня. У гэтым годзе разам з лепшымі беларускімі веласіпедыстамі ўдзел у міжнароднай велагонцы прымаюць спартсмены з Расіі і Узбекістана.-0-

Падпісвайцеся на нас у
Twitter
Топ-навіны
Свежыя навіны Беларусі