14 ліпеня, Мінск /Кар. БЕЛТА/. Беларускі тэнісіст Андрэй Васілеўскі і амерыканец Нікалас Манро выйшлі ў чвэрцьфінал парнага разраду турніру катэгорыі АТР-250 у шведскім Бастадзе з прызавым фондам 419,4 тыс. еўра, паведамляе карэспандэнт БЕЛТА.
13 ліпеня ў матчы 1/8 фіналу Васілеўскі і Манро за паўтары гадзіны перамаглі ў дзвюх партыях манакска-славацкі тандэм Рамен Арнеадо / Ігар Зеленай - 7:6 (7:5), 6:4.
У чвэрцьфінале беларуска-амерыканскі дуэт сустрэнецца з італьянска-іспанскай парай Марка Чэкітана / Раберта Карбальес Баэна.
Турнір у Бастадзе фінішуе 18 ліпеня.-0-
