Фота з архіва
28 сакавіка, Мінск /Кар. БЕЛТА/. Валейбалісты салігорскага "Шахцёра" пакінулі плэй-оф мужчынскай расійскай Суперлігі на стадыі першага раўнда, паведамляе карэспандэнт БЕЛТА.
У сераду падапечныя Віктара Бекшы ў Палацы спорту "Уручча" праводзілі паядынак у адказ серыі да дзвюх перамог супраць краснаярскага "Енісея". Першы матч кваліфікацыйнага раўнда плэй-оф паміж камандамі адбыўся на пляцоўцы саперніка тыдзень таму і завяршыўся на карысць расіян - 3:1. Сёння беларусы таксама пачалі сустрэчу не вельмі ўдала, прайграўшы стартавую партыю з лікам 22:25. У другім сэце ініцыятыва раз-пораз пераходзіла ад адной каманды да другой, у канцы на табло загарэліся лічбы 24:24, але два вырашальныя розыгрышы засталіся за гасцямі.
Трэці гульнявы адрэзак нарэшце падарыў гаспадарам пляцоўкі і іх балельшчыкам станоўчыя эмоцыі - 25:22. На жаль, гэты поспех стаў для "Шахцёра" апошнім у гэтым матчы і плэй-оф у цэлым: у чацвёртай партыі валейбалісты "Енісея" атрымалі перамогу (25:19) і заваявалі пуцёўку ў чвэрцьфінал. За праход далей краснаярцы паспрачаюцца з дзеючым чэмпіёнам Расіі казанскім "Зенітам". Таксама ў лік васьмі мацнейшых каманд увайшлі маскоўскае "Дынама", новасібірскі "Лакаматыў", "Факел" з Новага Урангоя, белгародскае "Белагор'е", кемераўскі "Кузбас" і піцерскі "Зеніт".
Тым не менш сезон 23/24 стаў самым паспяховым для "Шахцёра" за ўвесь час удзелу ў чэмпіянатах Расіі. У рэгулярным першынстве мужчынскай Суперлігі салігорскі клуб заняў восьмае месца сярод 16 каманд і ўпершыню ў гісторыі беларускіх выступленняў у турніры прабіўся ў кваліфікацыйны раўнд плэй-оф.-0-
У сераду падапечныя Віктара Бекшы ў Палацы спорту "Уручча" праводзілі паядынак у адказ серыі да дзвюх перамог супраць краснаярскага "Енісея". Першы матч кваліфікацыйнага раўнда плэй-оф паміж камандамі адбыўся на пляцоўцы саперніка тыдзень таму і завяршыўся на карысць расіян - 3:1. Сёння беларусы таксама пачалі сустрэчу не вельмі ўдала, прайграўшы стартавую партыю з лікам 22:25. У другім сэце ініцыятыва раз-пораз пераходзіла ад адной каманды да другой, у канцы на табло загарэліся лічбы 24:24, але два вырашальныя розыгрышы засталіся за гасцямі.
Трэці гульнявы адрэзак нарэшце падарыў гаспадарам пляцоўкі і іх балельшчыкам станоўчыя эмоцыі - 25:22. На жаль, гэты поспех стаў для "Шахцёра" апошнім у гэтым матчы і плэй-оф у цэлым: у чацвёртай партыі валейбалісты "Енісея" атрымалі перамогу (25:19) і заваявалі пуцёўку ў чвэрцьфінал. За праход далей краснаярцы паспрачаюцца з дзеючым чэмпіёнам Расіі казанскім "Зенітам". Таксама ў лік васьмі мацнейшых каманд увайшлі маскоўскае "Дынама", новасібірскі "Лакаматыў", "Факел" з Новага Урангоя, белгародскае "Белагор'е", кемераўскі "Кузбас" і піцерскі "Зеніт".
Тым не менш сезон 23/24 стаў самым паспяховым для "Шахцёра" за ўвесь час удзелу ў чэмпіянатах Расіі. У рэгулярным першынстве мужчынскай Суперлігі салігорскі клуб заняў восьмае месца сярод 16 каманд і ўпершыню ў гісторыі беларускіх выступленняў у турніры прабіўся ў кваліфікацыйны раўнд плэй-оф.-0-