16 снежня, Мінск /Кар. БЕЛТА/. Сталічны "Будаўнік" пацярпеў чарговае паражэнне ў рамках рэгулярнага чэмпіянату расійскай валейбольнай Суперлігі, паведамляе карэспандэнт БЕЛТА.
На гэты раз падапечныя Алега Мікановіча ў гасцях уступілі кемераўскаму "Кузбасу". У двух стартавых сэтах беларусы не змаглі дабрацца да адзнакі 20 ачкоў (16:25, 18:25). Навязаць саперніку барацьбу наша каманда змагла толькі ў трэцяй партыі: па ходзе адрэзка мінчане нават вялі з перавагай шэсць мячоў. Але нягледзячы на ўсе старанні гасцей, гэты сэт стаў у сустрэчы апошнім - Кузбас значна дадаў у канцы і забраў партыю з лікам 25:23.
Гэта паражэнне стала для "Будаўніка" 11-м у 12 матчах сезона. Адзіную перамогу ў чэмпіянаце мінчане атрымалі 3 снежня над краснаярскім "Енісеем". Наступны паядынак у расійскай Суперлізе беларускі клуб правядзе 27 снежня дома супраць "Новы" з Новакуйбышаўска, якая на гэты момант займае перадапошняе, 15-е месца ў табліцы турніру, апярэджваючы "Будаўнік" на 2 ачкі.-0-
