16 верасня, Мінск /Кар. БЕЛТА/. Валейбалісткі "Мінчанкі" правялі першы матч у рамках рэгулярнага чэмпіянату расійскай Суперлігі сярод жаночых каманд сезона-2024/25, паведамляе карэспандэнт БЕЛТА.
У стартавай гульні сезона нашы дзяўчаты сустракаліся з віцэ-чэмпіёнам мінулага розыгрышу Суперлігі калінінградскім "Лакаматывам", паядынак адбыўся ў сталічным Палацы спорту. У кожнай з партый беларускі навязвалі больш тытулаваным саперніцам дастойнае супраціўленне, дабіраючыся да адзнакі 20 выйграных мячоў, але забраць хаця б адну партыю так і не змаглі. У выніку паражэнне з лікам 0:3 (20:25, 21:25, 22:25). Далей сталічны клуб адправіцца ў Саратаў, дзе 20 верасня згуляе з мясцовым "Пратонам".
Раней у гэтым месяцы валейбалісткі "Мінчанкі" прынялі ўдзел у папярэднім раўндзе Кубка Расіі, матчы якога праходзілі ў Беларусі. На групавым этапе нашы дзяўчаты атрымалі тры вікторыі ў чатырох паядынках і занялі другое месца ў групе, аднак барацьбу за трафей былі вымушаны завяршыць, паколькі ў плэй-оф адправіліся толькі пераможцы пула з ніжагародскай "Спарты". У мінулым сезоне жаночага чэмпіянату Расіі па валейболе "Мінчанка" фінішавала 13-й сярод 14-ці клубаў.-0-
Фота Сяргея Шэлега
Падпісвайцеся на нас у
