ДЗЯРЖОРГАНЫДЗЯРЖОРГАНЫ
Флаг Аўторак, 11 мая 2021
Мінск Ясна +19°C
Усе навіны
Усе навіны
Спорт
15 красавіка 2021, 09:07

Валейбалісткі "Мінчанкі" выйгралі першы матч фінальнай серыі чэмпіянату Беларусі

Фота ВК "Мінск"
Фота ВК "Мінск"

15 красавіка, Мінск /Кар. БЕЛТА/. Валейбалісткі "Мінчанкі" выйгралі ў брэсцкага "Прыбужжа" першы матч фінальнай серыі чэмпіянату Беларусі - 3:0 (26:24, 25:12, 25:15), паведамляе карэспандэнт БЕЛТА.

У першым сэце брастаўчанкам, якія выступалі ў ролі гаспадынь пляцоўкі, удалося навязаць барацьбу шматразовым чэмпіёнкам Беларусі. Падапечныя Наталлі Мелянюк мала чым уступалі тытулаваным канкурэнткам. Аднак у канцоўцы вопыт удзельніц расійскай суперлігі паўплываў, і сталічная дружына змагла давесці партыю да перамогі.

У далейшым каманда Станіслава Салікава набрала ход, і наступныя два сэты былі выйграны ёй практычна на адным дыханні. Самымі рэзультатыўнымі ігракамі ў складзе пераможцаў сталі Таццяна Маркевіч, Надзея Смірнова і Надзея Сталяр, якія зарабілі па 11 ачкоў.

"Мінчанка" перасягнула канкурэнтаў ва ўсіх кампанентах гульні, пачынаючы ад прыёму і заканчваючы эфектыўнасцю ў атацы. Выдатна ў пераможцаў дзейнічаў блок, які дзевяць разоў паўстаў на шляху атак ігракоў "Прыбужжа", у той час як у брастаўчанак ён спрацаваў толькі тройчы.

Серыя сустрэч за залатыя медалі чэмпіянату Беларусі прадоўжыцца да трох перамог адной з каманд. Другі матч "Мінчанка" і "Прыбужжа" таксама згуляюць у Брэсце 15 красавіка. Трэцяя і, пры неабходнасці, чацвёртая сустрэчы пройдуць 17-18 красавіка ў Мінску.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі