17 лютага, Пекін /Кар. БЕЛТА/. Удзельнікі XXIV зімовых Алімпійскіх гульняў у Пекіне сёння разыграюць 6 камплектаў узнагарод, паведамляе карэспандэнт БЕЛТА.
У спаборніцтвах па канькабежным спорце беларускія спартсменкі Кацярына Слоева і Ганна Ніфантава паспрабуюць паказаць свае лепшыя рэзультаты на дыстанцыі 1000 м. Беларуская фігурыстка Вікторыя Сафонава выступіць з адвольнай праграмай у жаночым адзіночным катанні.
Без беларусаў сёння вызначацца чэмпіёны і прызёры ў спаборніцтвах па фрыстайле (жанчыны, скі-крос), гарналыжным спорце (жанчыны, камбінацыя), лыжным дваябор'і (камандны турнір) і хакеі (жанчыны).
Усяго на пекінскай Алімпіядзе разыгрываюцца 109 камплектаў узнагарод у сямі відах спорту. За алімпійскія медалі спрачаюцца прадстаўнікі 91 каманды. Беларускія атлеты выступаюць у шасці відах спорту: біятлон, фрыстайл, канькабежны спорт, горныя лыжы, фігурнае катанне, лыжныя гонкі.
Закрыццё Гульняў адбудзецца 20 лютага.-0-