1 лютага, Мінск /Кар. БЕЛТА/. На штучным полі жодзінскага стадыёна "Тарпеда" сёння пачнецца традыцыйны перадсезонны турнір "Белазавец-2021", паведамляе карэспандэнт БЕЛТА.
У стартавым матчы 1-й групы гаспадары спаборніцтваў футбалісты "Тарпеда-БелАЗа" згуляюць са "Слуцкам". Услед за імі гродзенскі "Нёман" сустрэнецца з "Іслаччу" з Мінскага раёна.
У другім папярэднім квартэце выступяць прадстаўнікі 1-й лігі нацыянальнага чэмпіянату - дзяржынскі "Арсенал", мінскія "Крумкачы" і бабруйская "Белшына", а таксама дубліруючы склад мінскага "Дынама". Пасля завяршэння групавога этапу адбудуцца стыкавыя матчы за падагульняючыя месцы.
Год таму ў вырашальным паядынку гэтага турніру футбалісты "Слуцка" перамаглі "Смалявічы" з лікам 3:1, а ў гульні за 3-е месца гродзенскі "Нёман" адолеў "Віцебск" у серыі пасляматчавых пенальці - 5:4 (асноўны час - 0:0).-0-
