21 ліпеня, Мінск /Кар. БЕЛТА/. У Мінску завяршыўся міжнародны турнір па сучасным пяцібор'і "Кубак Дружбы", удзел у якім прынялі юнакі і дзяўчаты з Беларусі і Расіі, паведамляе карэспандэнт БЕЛТА.
Удзельнікі турніру да 17 гадоў выяўлялі наймацнейшых у трохбор'і (плаванне + лазер-ран). У спаборніцтвах дзяўчат два першыя месцы занялі прадстаўніцы Беларусі - Аляксандра Ляшэнка і Міра Бурая, таксама беларуская каманда перамагла ў эстафеце і камандным заліку.
Юныя спартсмены да 19 гадоў спаборнічалі ў чатырохбор'і (плаванне, фехтаванне, лазер-ран). У спаборніцтвах юніёраў першынстваваў беларус Аляксей Сафончык, таксама наша чацвёрка стала лепшай у камандным заліку. У асабістым турніры ў дзяўчат беларускі Марыя Гнедчык і Стафанія Кіслянкова занялі другое і трэцяе месцы адпаведна; таксама Кіслянкова ў пары з Настассяй Малашонак перамаглі ў эстафеце, а Гнедчык разам з Даніілам Беляковічам выйгралі турнір змешаных пар.
Арганізатарам спаборніцтваў выступіла Беларуская федэрацыя сучаснага пяцібор'я сумесна з Міністэрствам спорту і турызму Беларусі.-0-
