Сцяг Пятніца, 29 сакавіка 2024
Усе навіны
Усе навіны
Спорт
05 снежня 2022, 13:19

У Мінску завяршыўся Кубак РЦАП па стральбе з лука ў памяшканні

5 снежня, Мінск /Кар. БЕЛТА/. На базе спартыўна-стралковага комплексу імя Цімашэнкі адбыліся рэспубліканскія спаборніцтвы "Кубак РЦАП" па стральбе з лука, паведамляе карэспандэнт БЕЛТА.

Стральба праводзілася ў закрытым памяшканні на адлегласці 18 метраў. Удзел у турніры прынялі амаль 90 беларускіх спартсменаў, якія вызначылі прызёраў у асабістых і камандных заліках, а таксама ў спаборніцтвах змешаных дуэтаў. У выніку пераможцам сярод жанчын стала Ніна Собаль, на другую і трэцюю прыступку подыума падняліся Лізавета Пчэльнікава і Наталля Траццяк. У мужчын лепшым быў Васіль Скорасаў, Уладзіміру Савіцкаму дасталася серабро, у Аляксандра Яфрэмава - бронза.

У практыкаванні "мікст" лепшы рэзультат паказалі Арцём Багдановіч і Аліна Сімончык, а абодва камандныя турніры ў мужчын і жанчын выйгралі прадстаўнікі Рэспубліканскага цэнтра алімпійскай падрыхтоўкі. У асабістых спаборніцтвах юнакоў і дзяўчат залатыя медалі заваявалі Вікторыя Вакульчык і Цімафей Маскалёў.

Наступным буйным турнірам у календары РЦАП па стралковых відах спорту стане "Кубак РЦАП" па кулявой стральбе, які пройдзе ў Мінску з 5 да 7 снежня.-0-

Падпісвайцеся на нас у
Twitter
Топ-навіны
Свежыя навіны Беларусі