Сцяг Чацвер, 13 чэрвеня 2024
Усе навіны
Усе навіны
Спорт
24 мая 2024, 14:56

У Мінску вызначыліся пераможцы турніру "БрэйнБатл"

Фота з архіва
Фота з архіва
24 мая, Мінск /Кар. БЕЛТА/. У штаб-кватэры Нацыянальнага алімпійскага камітэта Рэспублікі Беларусь адбыўся фінал рэспубліканскага турніру "БрэйнБатл" з удзелам вядомых беларускіх спартсменаў, паведамляе карэспандэнт БЕЛТА.

"БрэйнБатл" - гэта інтэлектуальна-спартыўны турнір, арганізаваны Беларускай алімпійскай акадэміяй сумесна з Беларускай асацыяцыяй студэнцкага спорту пры падтрымцы Міністэрства спорту і турызму, Міністэрства адукацыі і НАК Беларусі для навучэнцаў устаноў сярэдняй спецыяльнай адукацыі. Мэтай праекта з'яўляецца папулярызацыя алімпійскіх каштоўнасцей, ведаў гісторыі спорту і ўкладу беларускіх атлетаў у яго развіццё.

У гэтым годзе "БрэйнБатл" быў праведзены трэці раз. Удзельнікамі рэспубліканскага фіналу сталі каманды з Мінска, Брэста, Гомеля, Магілёва, Полацка, Смілавіч і Ваўкавыска, якія раней атрымалі перамогі на рэгіянальных адборах. У якасці ганаровых гасцей мерапрыемства наведалі кіраўнік Беларускай тэніснай федэрацыі Сяргей Рутэнка, старшыня Федэрацыі хакея Беларусі Аляксандр Багдановіч, сенатар Дзмітрый Баскаў і легенда беларускага футбола Аляксандр Глеб.

"Вывучаючы склады каманд, мне было вельмі прыемна выявіць, што ўдзельнікі прадстаўляюць розныя прафесіі. За сталамі знаходзіліся і будучыя педагогі, і музыканты, і эканамісты, і аграрыі... Радуе, што спортам цікавяцца не толькі заўзятыя балельшчыкі і прафесіяналы, але і маладое пакаленне. Юнакі і дзяўчаты вывучылі беларускую спартыўную гісторыю, яны ведаюць імёны і прозвішчы, даты і пэўныя тонкасці розных відаў", - сказаў віцэ-прэзідэнт НАК Дзмітрый Даўгалёнак.

Акрамя навучэнцаў ССНУ у склады зборных увайшлі знакамітыя беларускія спартсмены: алімпійскія чэмпіёны Сяргей Макаранка (веславанне на каноэ), Аляксандр Раманькоў (фехтаванне), Ала Цупер, Ганна Гуськова і Антон Кушнір (лыжная акрабатыка), прызёр Гульняў Максім Недасекаў (лёгкая атлетыка), а таксама медалістка чэмпіянату свету Ганна Сола (біятлон).

Фінал турніру "БрэйнБатл" складаўся з пяці тураў па сем пытанняў. Кожны тур быў прысвечаны асобнай тэме "Алімпійскія гульні", "Беларусь у спартыўным руху", "Алімпійскія віды спорту", "Спорт і мастацтва" і "Спартсмены роднай зямлі". У выніку найбольшую суму балаў набрала каманда Магілёўскага дзяржаўнага тэхналагічнага каледжа, якую ўзмацніла Ала Цупер. Другое месца занялі навучэнцы Смілавіцкага дзяржаўнага аграрнага каледжа разам з Максімам Недасекавым, трэцяй стала зборная Гомельскага дзяржаўнага аграрна-эканамічнага каледжа і Ганна Сола.-0-
Падпісвайцеся на нас у
Twitter
Топ-навіны
Свежыя навіны Беларусі