У Мінску стартуе фінальны этап тэніснага турніру "Залатая ракетка"

3 снежня, Мінск /Кар. БЕЛТА/. На кортах мінскага Палаца тэніса пачынаецца фінальны этап 6-га турніру "Залатая ракетка", у якім прымаюць удзел каманды тэнісістаў ва ўзросце да 12 гадоў, паведамляе карэспандэнт БЕЛТА.

На працягу чатырох дзён за галоўны прыз будуць змагацца выхаванцы сталічнай школы "Змена", мінскага клуба YESTODAY, мінскага ГЦАР па тэнісе і СОЦ "Тэніс у Сонечным" з Ракава. У складзе кожнай каманды гуляюць па тры хлопчыкі і дзяўчынкі ва ўзросце да 12 гадоў. Кожны матч складаецца з адзіночных паядынкаў, а таксама сустрэч у парным і змешаным разрадах. У мінулым годзе пераможцамі сталі спартсмены са "Змены", серабро заваявалі прадстаўнікі Рэспубліканскага цэнтра алімпійскай падрыхтоўкі, бронза дасталася камандзе ГЦАР.

Нацыянальны камандны турнір "Залатая ракетка" праводзіцца з 2019 года па ініцыятыве Прэзідэнцкага спартыўнага клуба і Беларускай тэніснай федэрацыі. Фармат гэтых спаборніцтваў максімальна набліжаны да юніёрскіх камандных чэмпіянатаў Еўрапейскай тэніснай федэрацыі. У 2019 годзе ўладальнікамі "Залатой ракеткі" сталі спартсмены з САЦ "Тэніс у Сонечным", а наступныя чатыры сезоны запар перамагалі выхаванцы сталічнай СДЮШАР "Змена".-0-