17 мая, Мінск /Кар. БЕЛТА/. У сталіцы стартавала першынство юніёраў Рэспублікі Беларусь па кулявой стральбе, паведамілі БЕЛТА ў прэс-службе РЦАП па стралковых відах спорту.
Спаборніцтвы праходзяць у спартыўна-стралковым комплексе імя маршала С.К. Цімашэнкі, удзел у іх прымаюць стралкі з усіх рэгіёнаў Беларусі ва ўзросце да 21 года. У праграме першынства - асабістыя і змешаныя практыкаванні па стральбе з пнеўматычных і малакаліберных вінтовак і пісталетаў.
У першы спаборніцкі дзень турніру былі разыграны тры камплекты ўзнагарод. У стральбе з малакалібернай вінтоўкі сярод юніёраў перамогу атрымаў Аляксандр Ляснухін з Брэсцкай вобласці, другі рэзультат паказаў Алег Бубновіч, трэцім стаў Захар Сазонаў.
У стральбе з малакалібернага пісталета сярод юніёраў лепшым быў мінчанін Мікіта Кавалёнак, услед за ім размясціўся Дзяніс Чайкоўскі, Павел Мураўёў - трэці. У гэтай жа дысцыпліне сярод юніёрак першынствавала Аліна Несцяровіч з Брэсцкай вобласці, Васіліса Навумава - другая, трэцяе месца заняла Дзіяна Калінкевіч.
Першынство юніёраў Рэспублікі Беларусь па кулявой стральбе прадоўжыцца да 19 мая.-0-