ДЗЯРЖОРГАНЫДЗЯРЖОРГАНЫ
Флаг Субота, 21 мая 2022
Мінск +10°C
Усе навіны
Усе навіны
Спорт
10 лістапада 2021, 18:52

У Мінску пройдзе фінал рэспубліканскага турніру па тэнісе "Залатая ракетка"

Фота з сацыяльных сетак
Фота з сацыяльных сетак

10 лістапада, Мінск /Кар. БЕЛТА/. Фінальны этап рэспубліканскага турніру па тэнісе "Залатая ракетка" 11-13 лістапада пройдзе ў Мінску на базе РЦАП па тэнісе, паведамілі БЕЛТА ў прэс-службе Прэзідэнцкага спартыўнага клуба.

У барацьбе за ганаровы трафей сыдуцца юніёры і юніёркі ва ўзроставай катэгорыі да 12 гадоў, якія прадстаўляюць каманды СДЮШАР па тэнісе "Змена" (Мінск), установу "РЦАП па тэнісе" (Мінск), Гродзенскую ДЮСШ тэніса (Гродна) і СДЮШАР нумар 1 (Магілёў). Пачатак спаборніцтваў у 9.00.

11 лістапада пройдуць матчы паміж дружынамі РЦАП па тэнісе і Магілёўскай СДЮШАР нумар 1, а таксама прадстаўнікамі сталічнай СДЮШАР па тэнісе "Змена" і Гродзенскай ДЮСШ тэніса.

На наступны дзень памерацца сіламі калектывы РЦАП па тэнісе і Гродзенскай ДЮСШ тэніса. Акрамя таго, у праграме спаборніцтваў спрэчка выхаванцаў СДЮШАР па тэнісе "Змена" і Магілёўскай СДЮШАР нумар 1.

У заключны дзень турніру, 13 лістапада, пройдуць матчавыя сустрэчы паміж камандамі РЦАП па тэнісе і СДЮШАР па тэнісе "Змена", а таксама Гродзенскай ДЮСШ тэніса і Магілёўскай СДЮШАР нумар 1.

Турнір "Залатая ракетка" праводзіцца з мэтай прапаганды спорту як важнага сродку ўмацавання здароўя дзяцей і падлеткаў, далучэння іх да здаровага ладу жыцця, выяўлення наймацнейшых каманд па тэнісе ў рэгіёнах краіны, выяўлення перспектыўных маладых тэнісістаў, павышэння ўзроўню майстэрства юных спартсменаў, атрымання імі вопыту выступленняў у камандных спаборніцтвах, масавага развіцця і папулярызацыі тэніса ў рэгіёнах Рэспублікі Беларусь.

Арганізатарамі спаборніцтваў выступілі РДГА "Прэзідэнцкі спартыўны клуб", РГА "Беларуская тэнісная федэрацыя", Нацыянальная акадэмія тэніса (ТАА "Тэнісная школа спартыўнага майстэрства").-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі