ДЗЯРЖОРГАНЫДЗЯРЖОРГАНЫ
Флаг Аўторак, 11 мая 2021
Мінск Ясна +14°C
Усе навіны
Усе навіны
Спорт
10 сакавіка 2021, 11:38

У Мінску і Слуцку стартавалі адборачныя этапы турніру "Скураны мяч"

Фота з архіва
Фота з архіва

10 сакавіка, Мінск /Кар. БЕЛТА/. Адборачныя этапы футбольных спаборніцтваў сярод дзяцей і падлеткаў "Скураны мяч" на прызы Прэзідэнцкага спартыўнага клуба стартавалі ў Мінску і Слуцку, паведамляе карэспандэнт БЕЛТА.

У фінальным турніры Мінскай вобласці ў Слуцку за выхад у фінальную стадыю змагаюцца футбалісты 2008-2009 гадоў нараджэння з Нясвіжскага, Салігорскага, Вілейскага, Барысаўскага, Бярэзінскага і Слуцкага раёнаў. У сталічным футбольным манежы спаборнічаюць каманды хлопчыкаў у трох узроставых групах, асобны турнір таксама праходзіць для дзяўчынак 2009-2011 гадоў нараджэння. У гэтых спаборніцтвах прымаюць удзел каманды з усіх раёнаў Мінска.

Штогод турнір будучых футбольных зорак праводзіцца ў трох узроставых групах (малодшай, сярэдняй і старэйшай), у рэспубліканскіх фіналах прымаюць удзел наймацнейшыя каманды Беларусі. Гэта сапраўднае футбольнае свята для ўсіх яго ўдзельнікаў. Бо акрамя прыгожай гульні і незабыўных уражанняў, дзеці атрымліваюць бясцэнны гульнявы вопыт, а таксама разнастайныя прызы і памятныя падарункі ад арганізатараў. У спаборніцтвах могуць прымаць удзел толькі тыя, хто займаецца ў спецыялізаваных футбольных школах і акадэміях.

Традыцыйна арганізатарамі спаборніцтваў выступаюць Прэзідэнцкі спартыўны клуб, Міністэрства спорту і турызму, Міністэрства адукацыі, асацыяцыя "Беларуская федэрацыя футбола" і БРСМ.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі