6 чэрвеня, Мінск /Кар. БЕЛТА/. Зборная Расіі па акадэмічным веславанні ў мацнейшым складзе выступіць на чэмпіянаце Беларусі, паведамляе БЕЛТА са спасылкай на прэс-службу ФВСР.
Аб рашэнні Федэрацыі вяслярнага спорту Расіі журналістам у Маскве расказаў прэзідэнт арганізацыі Аляксей Свірын. Перад прыездам у нашу краіну расійскія весляры правядуць на ўнутраных спаборніцтвах адбор не толькі асноўнага складу, але і маладзёжнага (да 23 гадоў), а таксама юніёрскага (да 19 гадоў). Чэмпіянат Беларусі пройдзе ў Брэсце з 15 па 17 ліпеня.
У Маскве 3-5 чэрвеня праходзіла Вялікая маскоўская рэгата, у якой прынялі ўдзел каля ста прадстаўнікоў Беларусі, у тым ліку члены нацыянальнай каманды па акадэмічным веславанні. У розных класах лодак нашы спартсмены заваявалі 35 медалёў, сярод іх 17 залатых.-0-