Сцяг Аўторак, 19 сакавіка 2024
Усе навіны
Усе навіны
Спорт
01 сакавіка 2023, 09:05

У беларускай хакейнай экстралізе стартуе раўнд плэй-ін

1 сакавіка, Мінск /Кар. БЕЛТА/. У Оршы стартуе першая серыя матчаў на выбыванне ў папярэднім раўндзе плэй-оф беларускай хакейнай экстралігі, паведамляе карэспандэнт БЕЛТА.

Па выніках 55-матчавага рэгулярнага чэмпіянату, удзел у якім прынялі 12 каманд, пуцёўкі ў чвэрцьфінал Кубка Прэзідэнта атрымалі 6 лепшых клубаў. Чатыры калектывы, якія занялі ў табліцы месцы з 7-га па 10-е, выйшлі ў раўнд плэй-ін, дзе будуць разыграны два астатнія пропускі ў плэй-оф. На папярэдняй стадыі сёмая каманда турніру аршанскі "Лакаматыў" пазмагаецца з "Дынама-Маладзечна", таксама ў вочным процістаянні сустрэнуцца "Брэст" і "Хімік" з Наваполацка, якія фінішавалі восьмым і дзявятым. Пераможцы ў парах вызначацца ў серыях да дзвюх перамог.

Першы матч паміж "Лакаматывам" і "Дынама-Маладзечна" пройдзе ў Оршы сёння, пачатак - у 19.00. У рэгулярным чэмпіянаце каманды правялі паміж сабой пяць гульняў, чатыры з якіх выйгралі "чыгуначнікі". 3 сакавіка апаненты сустрэнуцца ўжо ў Маладзечне, вырашальны трэці паядынак пры неабходнасці адбудзецца 5 сакавіка зноў у Оршы. "Брэст" і "Хімік" выйдуць на лёд у чацвер, па сезоне мацнейшымі ў гэтай пары выглядалі паўночныя ігракі, якія атрымалі чатыры перамогі ў пяці сустрэчах. 4 сакавіка каманды правядуць матч у Наваполацку, 6 сакавіка (калі спатрэбіцца) - у Брэсце.

На гэты момант ужо вядомы склад двух чвэрцьфіналаў Кубка Прэзідэнта, у якіх сапернікі згуляюць да чатырох перамог. 10 сакавіка першы паядынак у серыі правядуць "Гомель" і жлобінскі "Металург", 11 сакавіка ў Мінску стартуе процістаянне "Юнацтва" і "Віцебска".-0-

Падпісвайцеся на нас у
Twitter
Топ-навіны
Свежыя навіны Беларусі