11 сакавіка, Мінск /Кар. БЕЛТА/. У спарткомплексе "Бабруйск-Арэна" стартаваў фінальны турнір рэспубліканскіх спаборніцтваў сярод дзяцей і падлеткаў па хакеі "Залатая шайба" на прызы Прэзідэнта Рэспублікі Беларусь у малодшай узроставай групе (2008-2010 гадоў нараджэння) дывізіёна А - дружыны з гарадоў і раёнаў краіны, дзе ёсць крытыя лядовыя арэны, паведамляе карэспандэнт БЕЛТА.
У матчы адкрыцця турніру сталічная каманда "Лакаматыў-Мінск", якая прадстаўляе Кастрычніцкі раён сталіцы, упэўнена абыграла "Прынёманскіх ястрабаў" (Кастрычніцкі раён Гродна) з лікам 16:0 (6:0; 7:0; 3:0). "Шклоўскія льдзіны" (Шклоўскі раён Магілёўскай вобласці) не мелі праблем у паядынку з "Зубрамі" з Цэнтральнага раёна Гомеля - 7:0 (1:0, 3:0, 3:0). У трэцім матчы стартавага гульнявога дня юныя хакеісты "Тарнада" (Заводскі раён Мінска) упэўнена абыгралі віцебскі "Космас" - 24:0 (8:0, 9:0, 7:0).
Старты прадаўжаюцца. Гульні групавога этапу пройдуць 11 і 12 сакавіка. Матчы за 5-е, 3-е месцы і фінал турніру пройдуць на лёдзе "Бабруйск-Арэны" 13 сакавіка.
Турнір "Залатая шайба" ў Беларусі адроджаны па ініцыятыве кіраўніка дзяржавы Аляксандра Лукашэнкі ў 1997 годзе. Арганізатарамі спаборніцтваў выступаюць Міністэрства спорту і турызму, Міністэрства адукацыі, Беларускі рэспубліканскі саюз моладзі, Федэрацыя хакея Беларусі і Прэзідэнцкі спартыўны клуб.-0-
