23 верасня, Мінск /Кар. БЕЛТА/. Турнір серыі "Вялікага шлема" па дзюдо ў Японіі адменены. Такая інфармацыя змешчана на афіцыйным сайце Міжнароднай федэрацыі дзюдо (IJF), паведамляе БЕЛТА.
Прычынай адмены прэстыжнага старту, які ў снежні павінна была прымаць Осака, названа пандэмія каранавіруса.
"У святле нявызначанасці, што ўсё яшчэ існуе вакол пандэміі COVID-19, а таксама з улікам таго, што Японія з'яўляецца краінай, якая прымае Алімпійскія гульні, IJF варта праяўляць асаблівую асцярожнасць пры планаванні мерапрыемстваў у Японіі. Улічваючы, што ў календары ўжо ёсць некалькі мерапрыемстваў IJF, мноства нацыянальных спаборніцтваў, якія пройдуць з пачатку 2021, вырашана адмяніць гэты этап "Вялікага шлема", а не пераносіць", - гаворыцца ў заяве IJF.
Аб адмене іншых стартаў пад эгідай Міжнароднай федэрацыі дзюдо пакуль не паведамляецца. Чакаецца рашэнне ўлад Венгрыі адносна будучага будапешцкага турніру серыі "Вялікага шлема". Старт намечаны на канец кастрычніка. А вось улады Катара пацвердзілі правядзенне ў сябе турніру серыі "Мастэрс" з 11 па 13 студзеня 2021 года.-0-