14 ліпеня, Магілёў /Кар. БЕЛТА/. Адкрыты міждзяржаўны турнір па вольнай барацьбе памяці ганаровага грамадзяніна Магілёва і Героя Савецкага Саюза Мікалая Каралёва пройдзе ў Магілёве 22-24 ліпеня. Аб гэтым БЕЛТА паведамілі ў Магілёўскім абласным цэнтры алімпійскага рэзерву па лёгкай атлетыцы і гульнявых відах спорту.
Традыцыйныя спаборніцтвы будуць праходзіць на базе спартыўнага комплексу "Алімпіец". Удзельнікамі спаборніцтваў стануць спартсмены з Беларусі і краін СНД. Узрост - да 23 гадоў.
Спаборнічаць маладыя людзі і дзяўчаты будуць у дзесяці вагавых катэгорыях.
Урачыстае адкрыццё запланавана на 23 ліпеня ў 12.00. Паядынкі будуць праходзіць 23 і 24 ліпеня з 10.30.-0-
