9 верасня, Мінск /Кар. БЕЛТА/. У Мінску стартаваў ХІІІ традыцыйны турнір па валейболе памяці заслужанага будаўніка Беларусі Льва Чайлыткі, паведамляе карэспандэнт БЕЛТА.
У гэтым годзе ўдзельнікамі спаборніцтваў сталі мінскі "Будаўнік", "Легіён" (Абухава), "Марко-ВДТУ" (Віцебск) і маладзёжная зборная Беларусі (U-20).
У стартавай гульні "Марко-ВДТУ" сустракаўся з "Легіёнам" і перамог з лікам 3:2 (25:19, 16:25, 25:23, 20:25, 15:13). У другім матчы дня сталічны "Будаўнік" згуляе з маладзёжнай зборнай Беларусі (U-20).
Заўтра, 10 верасня, адбудуцца паядынкі паміж маладзёжнай зборнай Беларусі (U-20) і "Марко-ВДТУ" (16.00), а таксама "Будаўніком" і "Легіёнам" (18.30). Завершацца спаборніцтвы 11 верасня проціборствам паміж "Легіёнам" і маладзёжнай зборнай Беларусі (11.00) і паядынкам "Будаўніка" з "Марко-ВДТУ" (13.30).
У сувязі з пандэміяй каранавіруса, кіраўніцтва ВК "Мінск", у структуру якога ўваходзіць "Будаўнік", вырашыла праводзіць матчы турніру з абмежаванай колькасцю гледачоў. Для балельшчыкаў запланаваны анлайн-трансляцыі.-0-
