Мабільная версія
ДЗЯРЖОРГАНЫ
Апошнія навіны
Усе навіны

Цыбульскі: для правядзення этапу Кубка свету ў "Раўбічах" праведзена сур'ёзная работа

Спорт 08.11.2018 | 16:14
"Раўбічы". Фота з архіва
"Раўбічы". Фота з архіва

8 лістапада, Мінск /Кар. БЕЛТА/. Маючыя адбыцца ў спарткомплексе "Раўбічы" чэмпіянат Еўропы па біятлоне ў лютым 2019 года, летні чэмпіянат свету-2019 і фінал Кубка IBU ў 2020-м стануць сур'ёзнай праверкай сіл перад этапам Кубка свету 2022 года. Аб гэтым карэспандэнту БЕЛТА паведаміў старшыня Беларускай федэрацыі біятлона Андрыян Цыбульскі.

"Праведзена вельмі вялікая работа на працягу некалькіх гадоў. Мы дабіліся, што этап Кубка свету пройдзе ў "Раўбічах". Выбранне Вольгі Назаравай у тэхнічны камітэт IBU, работа генеральнага сакратара БФБ Дар'і Домнікавай - гэта ўсё звёны аднаго ланцужка. Крок за крокам федэрацыя набліжалася да таго, каб атрымаць этап Кубка свету. Вядома, гэта было б немагчыма без рашэння кіраўніка дзяржавы Аляксандра Лукашэнкі аб правядзенні маштабнай рэканструкцыі спарткомплексу "Раўбічы". Цяпер цэнтр пад Мінскам адпавядае патрабаванням аб правядзенні міжнародных спаборніцтваў", - адзначыў Андрыян Цыбульскі.

Адказваючы на пытанне аб умяшчальнасці комплексу, старшыня БФБ запэўніў, што і гэта праблема будзе вырашана. "На бліжэйшым буйным старце, чэмпіянаце Еўропы-2019, будуць устаноўлены дадатковыя трыбуны (зборныя канструкцыі), якія значна павялічаць умяшчальнасць. Асаблівую ўвагу ўдзелім адкрыццю кантынентальнага форуму, калі адбудуцца праводзіны з вялікага спорту нашых легенд Дар'і Домрачавай і Надзеі Скардзіна. Балельшчыкаў чакаем шмат, таму федэрацыя, арганізатары пройдуць своеасаблівы экзамен. Летні чэмпіянат свету па біятлоне-2019 і фінал Кубка IBU 2020 года таксама стануць своеасаблівай рэпетыцыяй да этапу Кубка свету. Прадстаўнікі Міжнароднага саюза біятланістаў асабіста змогуць пераканацца, што ў Беларусі могуць правесці спаборніцтвы на самым высокім узроўні пры вялікай колькасці гледачоў. Разлічваем і на падтрымку балельшчыкаў з Расіі, якія, не сумняваюся, прыедуць у "Раўбічы" на буйныя міжнародныя спаборніцтвы па біятлоне", - сказаў Андрыян Цыбульскі.

Як заявіў кіраўнік БФБ, на гэты момант яго хвалюе пытанне, як падрыхтаваць айчынных страляючых лыжнікаў да будучых стартаў. "Да Алімпіяды 2022 года ў Пекіне мы разлічваем падрыхтаваць сур'ёзны баяздольны склад", - дадаў ён.

Рашэннем Міжнароднага саюза біятланістаў Рэспубліканскі цэнтр алімпійскай падрыхтоўкі "Раўбічы" пасля зімовых Гульняў у Пекіне з 28 лютага па 6 сакавіка 2022 года прыме сёмы этап Кубка свету.-0-

Версія для друку
Навіны рубрыкі Спорт
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Ліда
Мінск
Магілёў
Мозыр
Масква
Орша
Полацк
Рыга
Санкт-Пецярбург
Салігорск

Інфаграфіка

Як падрыхтаваць аўтамабіль да зімы Зімовы набор аўтааматара: трос, правады для "прыкурвання", скрабок са шчоткай, рызінавыя дыванкі з высокім бортам, шчыток для радыятара.