31 студзеня, Мінск /Кар. БЕЛТА/. Два цэнтральныя паядынкі гандбольнага чэмпіянату Беларусі пройдуць на арэнах Мінска, паведамляе карэспандэнт БЕЛТА.
На паркеце спарткомплексу "Уручча" лідар мужчынскага першынства "Мяшкоў Брэст" паспрабуе прадоўжыць сваю пераможную серыю ў паядынку з галоўным канкурэнтам сталічным СКА. Гэта будзе іх трэцяя сустрэча, у дзвюх папярэдніх гэтага чэмпіянату брастаўчане двойчы ўзялі верх - 37:35 (у гасцях) і 28:23 (дома). Пасля 16 праведзеных гульняў "Мяшкоў Брэст" мае 32 ачкі з 32 магчымых, мінскія армейцы адстаюць на 6 балаў. Трэцім ідзе іх фарм-клуб БДУФК-СКА, у якога 18 ачкоў, на адзін бал адстае гродзенскі "Кронан". Спіс лепшых снайпераў 32-га нацыянальнага першынства ўзначальвае Кірыл Рабчынскі (СКА / БДУФК-СКА), які закінуў 137 мячоў.
У галоўнай сённяшняй сустрэчы жаночага чэмпіянату яго лідары гандбалісткі "Гомеля" згуляюць у гасцях у "БНТУ-БелАЗа". У чатырох гульнях цяперашняга сезона перамагалі гамяльчанкі, у актыве сталічнай каманды толькі адна вікторыя. У актыве "Гомеля" 38 ачкоў, па 30 балаў набралі "БНТУ-БелАЗ" і гродзенская "Гараднічанка", усе каманды правялі па 23 матчы. Бамбардзірскую гонку ўзначальвае Настасся Грахоўская ("Віцябчанка"), якая 223 разы закідвала ў вароты саперніц.-0-
