ДЗЯРЖОРГАНЫДЗЯРЖОРГАНЫ
Субота, 18 студзеня 2020
Мінск Суцэльная воблачнасць 0°C
Усе навіны
Усе навіны
Спорт
04 чэрвеня 2019, 19:55

Тры медалі заваявалі беларускія спартсмены на Гран-пры Масквы на велатрэку

4 чэрвеня, Мінск /Кар. БЕЛТА/. Тры медалі заваявалі беларускія спартсмены на Гран-пры Масквы на велатрэку, паведамляе карэспандэнт БЕЛТА.

У заключны дзень у мэдысане беларусы Раман Цішкоў і Яўген Каралёк занялі другое месца. У падагульняючым пратаколе вышэй аказаліся толькі расіяне Леў Гонаў і Глеб Сырыца, якія апярэдзілі беларускі дуэт на фінішы.

Як паведамлялася, Яўген Каралёк на трэку ў спарткомплексе "Крылацкае" ў Маскве перамог у гонцы па ачках і омніуме.

У Гран-пры Масквы - 2019 прынялі ўдзел атлеты з 20 краін. Турнір дае магчымасць спартсменам набіраць рэйтынгавыя ачкі для ўдзелу ў этапах Кубка свету - адборачных спаборніцтвах да Алімпійскіх гульняў у Токіа-2020.

Веласпорт на трэку ўваходзіць у праграму II Еўрапейскіх гульняў. На веладроме "Мінск-Арэны" з 27 па 30 чэрвеня 316 спартсменаў разыграюць 20 камплектаў узнагарод.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі