1 чэрвеня, Мінск /Кар. БЕЛТА/. Пасля стартавых матчаў XIII чэмпіянату Беларусі ў Шчучыне турнірную табліцу ўзначальваюць тры каманды, якія набралі па 9 ачкоў, паведамляе карэспандэнт БЕЛТА.
Дзеючы чэмпіён краіны "Гроднааблспорт" у першым туры перамог кобрынскае "Палессе" (15:7), "Шчучын" (2:1) і мазырскі "М-Сіці" (8:3), уступіўшы ўладальніку сярэбраных медалёў мінулага першынства "Кіраўску-СДЮШАР" (4:5). У актыве кіраўчан таксама вікторыі над "Палессем" (12:6) і "М-Сіці" (6:3), у пасіве - паражэнне ад "Брэста" (1:2). Брастаўчане выйгралі і ў "М-Сіці" (7:3) і "Палесся" (7:5), але прайгралі "Шчучыну" (3:6).
Турнірнае становішча пасля першага тура: "Гроднааблспорт", "Брэст", "Кіраўск-СДЮШАР" - па 9 ачкоў, "Шчучын" - 6, "М-Сіці" - 3, "Палессе" - 0. Матчы наступнага тура намечаны на 6-7 чэрвеня ў Гродне.
Перад пачаткам нацыянальнага першынства новы сезон пляжнага футбола ў Беларусі адкрыўся паядынкам за Суперкубак, у якім "Гроднааблспорт" перайграў "Кіраўск-СДЮШАР" з вынікам 6:2.-0-
