21 снежня, Мінск /Кар. БЕЛТА/. Тры беларускія валейбалісткі трапілі ў сімвалічную зборную лепшых ігракоў 11-га тура расійскай суперлігі. Такая інфармацыя размешчана на афіцыйнай старонцы турніру ў Instagram, паведамляе БЕЛТА.
Лепшай дыяганальнай была прызнана ігрок "Ленінградкі" і зборнай Беларусі Настасся Гарэлік. На яе рахунку 37 ачкоў. Гэта лепшы рэзультат сезона. Настасся Гарэлік пабіла дасягненне Ксеніі Парубец з "Уралачкі-НТМК", якая набрала 36 ачкоў у матчы пятага тура суперлігі.
Лепшай блакіруючай стала Надзея Уладыка з "Мінчанкі" якая ў матчы супраць "Дынама-Краснадар" шэсць разоў перапыняла атакі саперніц, гуляючы каля сеткі, што з'яўляецца лепшым паказчыкам тура.
Лепшай даігроўшчыцай тура прызнана яшчэ адна прадстаўніца беларускай каманды Надзея Смірнова. Яна ў пераможным паядынку супраць краснадарскай дружыны (3:1) атрымала 17 ачкоў (16 у атацы плюс 1 на блоку), стаўшы самай рэзультатыўнай валейбалісткай матчу.-0-
