![Фота з архіва Фота з архіва](https://blr.belta.by/images/storage/news/with_archive/2024/000028_1718108335_132315_big.jpg)
Фота з архіва
11 чэрвеня, Мінск /Кар. БЕЛТА/. У кітайскім Чжэнчжоу стартаваў чэмпіянат свету па сучасным пяцібор'і 2024 года з удзелам беларускіх спартсменаў, паведамляе карэспандэнт БЕЛТА.
У аўторак на другім па значнасці старце сезона адбыліся адборачныя турніры ў індывідуальным заліку ў жанчын. На старт спаборніцтваў выйшлі 72 дзяўчыны, падзеленыя на дзве падгрупы. У кваліфікацыі "А" выступала наша Настасся Пракапенка. Беларуска паказала адзін з лепшых вынікаў у фехтаванні, але пасля не самага ўдачнага заплыву на 200 метраў апусцілася ў сярэдзіну пратакола. Тым не менш у лазер-ране пяціразовая чэмпіёнка свету прывычна была адной з лепшых і ў выніку фінішавала трэцяй, заваяваўшы пуцёўку ў паўфінал.
У кваліфікацыі "В" былі прадстаўлены Віялета Гурэева і Ірына Прасянцова. Два стартавыя віды беларускі прайшлі ў ліку лідараў - перад бегам са стральбой абедзве займалі месцы ў шасцёрцы мацнейшых. На дыстанцыі нашы спартсменкі таксама выглядалі нядрэнна: Гурэева перасякла фінішную рысу дзявятай, Прасянцова размясцілася ўслед за ёй. Далей прайшлі 18 лепшых дзяўчат.
Лідар нацыянальнай каманды і сярэбраная медалістка фіналу Кубка свету - 2024 Марыя Гнедчык гэты старт прапускае. Паўфіналы ў жанчын адбудуцца ў чацвер, а заўтра ў барацьбу за выхад у топ-36 уступяць мужчыны. Уладальнікі ўзнагарод планетарнага форуму вызначацца 15 чэрвеня.
Чэмпіянат свету па сучасным пяцібор'і з'яўляецца адборачным турнірам на Алімпійскія гульні: ліцэнзіі ў Парыж заваююць прызёры індывідуальных спаборніцтваў. Акрамя таго, па выніках ЧС у Кітаі будзе сфарміраваны канчатковы сусветны рэйтынг, адкуль пуцёўкі на Гульні-2024 атрымаюць па дзевяць мацнейшых спартсменаў. Марыя Гнедчык на гэты момант лідзіруе ў жаночым табелі, практычна гарантаваўшы сабе выхад на галоўны старт чатырохгоддзя.-0-
У аўторак на другім па значнасці старце сезона адбыліся адборачныя турніры ў індывідуальным заліку ў жанчын. На старт спаборніцтваў выйшлі 72 дзяўчыны, падзеленыя на дзве падгрупы. У кваліфікацыі "А" выступала наша Настасся Пракапенка. Беларуска паказала адзін з лепшых вынікаў у фехтаванні, але пасля не самага ўдачнага заплыву на 200 метраў апусцілася ў сярэдзіну пратакола. Тым не менш у лазер-ране пяціразовая чэмпіёнка свету прывычна была адной з лепшых і ў выніку фінішавала трэцяй, заваяваўшы пуцёўку ў паўфінал.
У кваліфікацыі "В" былі прадстаўлены Віялета Гурэева і Ірына Прасянцова. Два стартавыя віды беларускі прайшлі ў ліку лідараў - перад бегам са стральбой абедзве займалі месцы ў шасцёрцы мацнейшых. На дыстанцыі нашы спартсменкі таксама выглядалі нядрэнна: Гурэева перасякла фінішную рысу дзявятай, Прасянцова размясцілася ўслед за ёй. Далей прайшлі 18 лепшых дзяўчат.
Лідар нацыянальнай каманды і сярэбраная медалістка фіналу Кубка свету - 2024 Марыя Гнедчык гэты старт прапускае. Паўфіналы ў жанчын адбудуцца ў чацвер, а заўтра ў барацьбу за выхад у топ-36 уступяць мужчыны. Уладальнікі ўзнагарод планетарнага форуму вызначацца 15 чэрвеня.
Чэмпіянат свету па сучасным пяцібор'і з'яўляецца адборачным турнірам на Алімпійскія гульні: ліцэнзіі ў Парыж заваююць прызёры індывідуальных спаборніцтваў. Акрамя таго, па выніках ЧС у Кітаі будзе сфарміраваны канчатковы сусветны рэйтынг, адкуль пуцёўкі на Гульні-2024 атрымаюць па дзевяць мацнейшых спартсменаў. Марыя Гнедчык на гэты момант лідзіруе ў жаночым табелі, практычна гарантаваўшы сабе выхад на галоўны старт чатырохгоддзя.-0-