25 лістапада, Мінск /Кар. БЕЛТА/. Тэнісісты зборнай Іспаніі сталі пераможцамі розыгрышу Кубка Дэвіса, які завяршыўся ў Мадрыдзе, паведамляе карэспандэнт БЕЛТА.
У фінальным матчы іспанцы перамагл каманду Канады з лікам 2:0. У першым адзіночным паядынку Роберта Баўтыста-Агут перамог Фелікса Аліясіма Оге 7:6 (7:3), 6:3, а затым лідар іспанскай каманды першая ракетка свету Рафаэль Надаль таксама ў двух сэтах перамог Дзяніса Шапавалава - 6:3, 7:6 (9:7).
Тэнісісты Іспаніі шосты раз сталі ўладальнікамі Кубка Дэвіса, канадцы ўпершыню дабраліся да фіналу гэтага прэстыжнага турніру.
Самай тытулаванай камандай планеты з'яўляецца зборная ЗША, якая 32 разы заваёўвала Кубак Дэвіса.-0-