10 сакавіка, Мінск /Кар. БЕЛТА/. Паралімпійцы Беларусі аказаліся ў ролі заложнікаў палітычнай сітуацыі. Міжнародны паралімпійскі камітэт не змог абараніць спартсменаў і пагрэбаваў сваімі асноўнымі прынцыпамі. Аб гэтым заявіла журналістам трохразовая чэмпіёнка Паралімпійскіх гульняў па біятлоне і лыжных гонках Святлана Саханенка, перадае карэспандэнт БЕЛТА.
На думку спартсменкі, беларускія і расійскія паралімпійцы былі проста шакіраваны. Яна падкрэсліла, што вельмі здорава, што хутка ў Ханты-Мансійску пройдуць спаборніцтвы, якія стануць для спартсменаў вялікай радасцю. Святлана Саханенка таксама сказала, што беларусы і расіяне ў некалькіх відах спорту з'яўляюцца сусветнымі лідарамі і былі рэальнымі прэтэндэнтамі на медалі пекінскай Паралімпіяды.
Гульні з удзелам беларускіх і расійскіх паралімпійцаў у Ханты-Мансійску пад дэвізам "Мы разам. Спорт" адбудуцца з 16 па 21 сакавіка. Яны пройдуць на чатырох спартыўных аб'ектах Югры. Беларусы выступяць у лыжных гонках і біятлоне. Акрамя таго, чэмпіёны і прызёры будуць вызначаны ў спаборніцтвах па кёрлінгу, снаўбордзе, горных лыжах і следж-хакеі.-0-
