Фота з архіва
29 студзеня, Мінск /Кар. БЕЛТА/. "Мінск-Арэна" 15 лютага прыме Сусветны жаночы хакейны матч, паведамілі БЕЛТА ў прэс-службе ФХБ.
Федэрацыя хакея Беларусі ўдзельнічае ў праекце IIHF Global Girls' Game з 2022 года. Раней матч праводзіўся ў Гродне, аднак цяпер колькасць хакеістак у краіне ўзрасла настолькі, што ранейшая пляцоўка не змагла б умясціць усіх жадаючых. Таму месцам для вялікага свята жаночага хакея стане "Мінск-Арэна". Для ўдзелу ў мерапрыемстве жадаючым неабходна запоўніць форму на сайце ФХБ, заяўкі прымаюцца па 1 лютага.
У мінулым сезоне на адным лёдзе ў рамках Сусветнага жаночага хакейнага матчу ў Гродне згулялі 109 хакеістак з 20 гарадоў Беларусі. Удзельніцамі мерапрыемства сталі як дзяўчынкі, якія пачынаюць свой шлях у хакеі, так і тыя спартсменкі, хто ўжо абараняе гонар краіны на міжнароднай арэне. У бягучым годзе арганізатары падрыхтавалі яшчэ больш насычаную праграму ў параўнанні з мінулым сезонам.
"Некалькі гадоў таму мы пачыналі з таго, што ў нас было 30-50 дзяўчынак рознага ўзросту, а сёння ёсць цэлая зборная ва ўзроставай катэгорыі U15 і каля 300 хакеістак па ўсёй краіне, - адзначыла намеснік старшыні ФХБ Святлана Марчанка. - Global Girls' Game - гэта важная падзея для ўсяго беларускага хакея, якая мае вялікае значэнне для ўдзельніц і дапамагае нам папулярызаваць жаночы хакей. Кожная наша дзяўчынка з нецярпеннем чакала прыезду ў Гродна, а цяпер яны змогуць выйсці і на галоўную арэну краіны. Мы хочам, каб кожная хакеістка ў Беларусі адчула цёплую атмасферу гэтага свята".
Сусветны жаночы хакейны матч - ініцыятыва Міжнароднай федэрацыі хакея (IIHF), накіраваная на развіццё гэтага віду спорту сярод дзяўчат. Матч праходзіць у фармаце процістаяння "сініх" і "белых" і доўжыцца на працягу некалькіх дзён, пакуль не будзе згуляны ў кожнай краіне-ўдзельніцы. Усе закінутыя ў гульнях шайбы падсумоўваюцца, перамога дастаецца камандзе, агульны лік галоў якой будзе большы. Упершыню матч прайшоў у сезоне 2015/16, тады ў ім прынялі ўдзел 29 краін, у мінулым годзе - 40.-0-
Федэрацыя хакея Беларусі ўдзельнічае ў праекце IIHF Global Girls' Game з 2022 года. Раней матч праводзіўся ў Гродне, аднак цяпер колькасць хакеістак у краіне ўзрасла настолькі, што ранейшая пляцоўка не змагла б умясціць усіх жадаючых. Таму месцам для вялікага свята жаночага хакея стане "Мінск-Арэна". Для ўдзелу ў мерапрыемстве жадаючым неабходна запоўніць форму на сайце ФХБ, заяўкі прымаюцца па 1 лютага.
У мінулым сезоне на адным лёдзе ў рамках Сусветнага жаночага хакейнага матчу ў Гродне згулялі 109 хакеістак з 20 гарадоў Беларусі. Удзельніцамі мерапрыемства сталі як дзяўчынкі, якія пачынаюць свой шлях у хакеі, так і тыя спартсменкі, хто ўжо абараняе гонар краіны на міжнароднай арэне. У бягучым годзе арганізатары падрыхтавалі яшчэ больш насычаную праграму ў параўнанні з мінулым сезонам.
"Некалькі гадоў таму мы пачыналі з таго, што ў нас было 30-50 дзяўчынак рознага ўзросту, а сёння ёсць цэлая зборная ва ўзроставай катэгорыі U15 і каля 300 хакеістак па ўсёй краіне, - адзначыла намеснік старшыні ФХБ Святлана Марчанка. - Global Girls' Game - гэта важная падзея для ўсяго беларускага хакея, якая мае вялікае значэнне для ўдзельніц і дапамагае нам папулярызаваць жаночы хакей. Кожная наша дзяўчынка з нецярпеннем чакала прыезду ў Гродна, а цяпер яны змогуць выйсці і на галоўную арэну краіны. Мы хочам, каб кожная хакеістка ў Беларусі адчула цёплую атмасферу гэтага свята".
Сусветны жаночы хакейны матч - ініцыятыва Міжнароднай федэрацыі хакея (IIHF), накіраваная на развіццё гэтага віду спорту сярод дзяўчат. Матч праходзіць у фармаце процістаяння "сініх" і "белых" і доўжыцца на працягу некалькіх дзён, пакуль не будзе згуляны ў кожнай краіне-ўдзельніцы. Усе закінутыя ў гульнях шайбы падсумоўваюцца, перамога дастаецца камандзе, агульны лік галоў якой будзе большы. Упершыню матч прайшоў у сезоне 2015/16, тады ў ім прынялі ўдзел 29 краін, у мінулым годзе - 40.-0-
Падпісвайцеся на нас у
