19 мая, Мінск /Кар. БЕЛТА/. Сталі вядомы тэрміны правядзення, удзельнікі і расклад матчаў перадсезоннага турніру Sochi Hockey Open-2022, у якім прыме ўдзел мінскае "Дынама", паведамілі БЕЛТА ў прэс-службе "зуброў".
Sochi Hockey Open пройдзе з 3 па 9 жніўня, усе матчы турніру адбудуцца на арэне "Шайба". Сапернікамі дынамаўцаў стануць хакейны клуб "Сочы", санкт-пецярбургскі СКА, омскі "Авангард", "Адмірал" з Уладзівастока і алімпійская зборная Расіі. Турнір пройдзе па кругавой сістэме, каманды правядуць адна супраць адной па адной гульні.
Каляндар матчаў "зуброў" выглядае наступным чынам:
3 жніўня: "Дынама" - СКА (пачатак у 15.45);
4 жніўня: "Дынама" - алімпійская зборная Расіі (12.00);
6 жніўня: "Дынама" - "Авангард" (15.45);
7 жніўня: "Дынама" - "Адмірал" (12.00);
9 жніўня: "Дынама" - "Сочы" (15.45).
У раскладзе турніру магчымы змяненні.-0-
