ДЗЯРЖОРГАНЫДЗЯРЖОРГАНЫ
Субота, 15 жніўня 2020
Мінск Пераменная воблачнасць +17°C
Усе навіны
Усе навіны
Спорт
30 ліпеня 2020, 18:13

Стаў вядомы расклад матчаў маладзёжнай жаночай зборнай Беларусі на ЧЕ па валейболе

Фота БФВ
Фота БФВ

30 ліпеня, Мінск /Кар. БЕЛТА/. Стаў вядомы расклад матчаў маладзёжнай жаночай зборнай Беларусі на ЧЕ-2020 па валейболе. Турнір пройдзе ў Босніі і Герцагавіне і Харватыі 22-30 жніўня. Адпаведная інфармацыя апублікавана на афіцыйным сайце Еўрапейскай канфедэрацыі валейбола, паведамляе БЕЛТА.

Падапечныя Вольгі Пальчэўскай і Барыса Каляды, якія трапілі ў групу I, якая базіруецца ў Босніі і Герцагавіне, адкрыюць спаборніцтвы 22 жніўня матчам супраць дружыны Італіі (пачатак сустрэчы ў 21.30 па мінскім часе). Потым валейбалісткі з Беларусі пазмагаюцца з дружынамі Сербіі (23 жніўня, 19.00), Славакіі (24 жніўня, 16.30), Польшчы (26 жніўня, 16.30) і Босніі і Герцагавіны (27 жніўня, 19.00).

У другой групе, якая свае матчы будзе праводзіць у Харватыі, гуляюць зборныя Харватыі, Расіі, Турцыі, Германіі, Балгарыі і Францыі.

29-30 жніўня пройдуць паўфіналы і вырашальныя сустрэчы ў барацьбе за медалі. Харватыя ў тыя ж тэрміны прыме матчы суцяшальнага турніру сярод каманд, якія прэтэндуюць на 5-8-я месцы.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі