10 сакавіка, Мінск /Кар. БЕЛТА/. Матчам "Шахцёра" і "Віцебска" стартавала вырашальная стадыя чэмпіянату Беларусі па хакеі - плэй-оф Кубка Прэзідэнта, паведамляе карэспандэнт БЕЛТА.
Першую шайбу бягучага розыгрышу на 10-й мінуце гульні закінуў форвард "гарнякоў" Раман Маліноўскі. Мінімальнае лідарства салігарчане ўтрымлівалі да пачатку трэцяга перыяду. На старце адрэзка Мікіта Ядроец зраўнаваў лічбы, а пазней Мікіта Сошнін вывеў "Віцебск" наперад. Да перамогі гасцям не хапіла чатырох мінут - Дзмітрый Заламай перавёў сустрэчу ў авертайм. У дадатковым перыядзе першую перамогу ў серыі "Шахцёру" прынёс Даніла Сабко - 3:2.
Іншыя чвэрцьфінальныя пары Кубка Прэзідэнта сфарміравалі "Юнацтва" і "Хімік", "Металург" і "Дынама-Маладзечна", а таксама "Гомель" і "Нёман".-0-
