ДЗЯРЖОРГАНЫДЗЯРЖОРГАНЫ
Флаг Пятніца, 7 мая 2021
Мінск Суцэльная воблачнасць +12°C
Усе навіны
Усе навіны
Спорт
11 сакавіка 2021, 16:33

Старт эстафеты алімпійскага агню ў Японіі пройдзе без гледачоў

Фота Erika Shimamoto
Фота Erika Shimamoto

11 сакавіка, Мінск /Кар. БЕЛТА/. Старт эстафеты алімпійскага агню ў Японіі 25 сакавіка пройдзе без гледачоў. Гэтыя планы агучылі ў аргкамітэце "Токіа-2020", паведамілі БЕЛТА ў прэс-службе НАК Беларусі.

Такія меры будуць прыняты для прафілактыкі распаўсюджвання каранавіруса. Дакладны маршрут руху эстаферы арганізатары будуць публікаваць за некалькі гадзін да яе прыбыцця ў рэгіёны. Гэтыя меры прымаюцца, каб пазбегнуць вялікага скопішча людзей, якім рэкамендуецца сачыць за рухам агню ў інтэрнэце. Убачыць агонь Гульняў XXXII Алімпіяды, знаходзячыся на маршруце руху, жыхары Японіі змогуць толькі пасля папярэдняй заяўкі на спецыяльнай анлайн-платформе.

Агонь Гульняў XXXII Алімпіяды ў Токіа быў запалены 12 сакавіка 2020 года ў Старажытнай Алімпіі. Эстафета стартавала ў Грэцыі, але з-за пандэміі каранавіруса была скарочана, а пасля пералёту ў Японію ў сувязі з пераносам стартаў лампада з агнём размешчана на захоўванне ў месцы з павышанай бяспекай.

Эстафета агню Гульняў XXXII Алімпіяды, што атрымала назву "Надзея асвятляе наш шлях", стартуе ў прэфектуры Фукусіма 25 сакавіка і пройдзе па тэрыторыі Краіны ўзыходзячага сонца на працягу 121 дня да 23 ліпеня.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі