26 верасня, Мінск /Кар. БЕЛТА/. Матчамі ў Мінску, Лідзе і Наваполацку ў сераду прадоўжыўся рэгулярны чэмпіянат беларускай хакейнай экстралігі сезона-2024/25, паведамляе карэспандэнт БЕЛТА.
На "Чыжоўка-Арэне" сышліся каманды з розных полюсаў турнірнай табліцы - "Юнацтва" і "Магілёў". У складзе мінчан чарговы раз у гэтым сезоне вызначыўся Аляксандр Кулагін - расійскі нападаючы аформіў дубль да 21-й мінуты і ўнёс вырашальны ўклад у перамогу сваёй каманды з лікам 3:2. Па два ачкі за сталічны клуб набралі Валянцін Дземчанка і Герман Несцераў. Дзякуючы серыі з пяці перамог "Юнацтва" зраўнавалася з лідзіруючым у экстралізе "Дынама-Маладзечна", які згуляў на адзін матч менш.
Паралельна на поўначы краіны "Хімік" прымаў "Славуціч". Па ходзе матчу смаляне двойчы выходзілі наперад на адну шайбу, але абодва разы "нафтавікі" зраўноўвалі лічбы. У трэцім перыядзе госці адарваліся ўжо на два галы, і на гэты раз хакеісты з Наваполацка дастаць саперніка не змаглі. Фінальны лік - 4:3, "Славуціч" падняўся на трэцяе месца ў табліцы.
Таксама 25 верасня першую перамогу ў чэмпіянаце Беларусі ледзь не атрымаў "Авіятар". Прадстаўнікі Баранавіч доўгі час вялі ў матчы супраць "Ліды", але "рыцары" змаглі перавесці сустрэчу ў авертайм, дзе і забралі два ачкі - 3:2. Аўтарам вырашальнай шайбы ў гаспадароў стаў абаронца Павел Варано.-0-
Фота Сяргея Шэлега
Падпісвайцеся на нас у
