7 чэрвеня, Мінск /Кар. БЕЛТА/. Апублікаваны склад груп на чэмпіянат свету-2022, які прымуць фінскія Хельсінкі і Тамперэ, паведамілі БЕЛТА ў прэс-службе Федэрацыі хакея Беларусі.
Зборная Беларусі трапіла ў групу В, дзе згуляе з камандамі Фінляндыі, ЗША, Чэхіі, Швецыі, Латвіі, Нарвегіі і Вялікабрытаніі. Матчы пройдуць на лёдзе "Тамперэ-Арэны".
У групе А, якая размесціцца ў Хельсінкі, паміж сабой згуляюць зборныя Канады, Расіі, Германіі, Швейцарыі, Славакіі, Даніі, Казахстана і Італіі.
Гаспадыняй 85-га чэмпіянату свету на кангрэсе IIHF у 2019 годзе была выбрана Фінляндыя. Матчы турніру пройдуць з 13 па 29 мая 2022 года.-0-